დასაბრუნებელი მოწმობა

დასაბრუნებელი მოწმობა წარმოადგენს უცხოეთიდან საქართველოში დასაბრუნებელ დროებით სამგზავრო დოკუმენტს, რომელიც გაიცემა იმ შემთხვევაში, თუ თქვენს სამგზავრო დოკუმენტს გაუვიდა მოქმედების ვადა, დაკარგეთ, დაგიზიანდათ ან არ ფლობთ მას.

არასრულწლოვანსა და ქმედუუნარო პირზე დასაბრუნებელი მოწმობის გაცემის საკითხი განიხილება მათი კანონიერი წარმომადგენლის მიერ წარმოდგენილი განცხადების საფუძველზე. ამასთან, არასრულწლოვანზე დასაბრუნებელი მოწმობის გაცემის საკითხის განხილვის დაწყებისათვის საკმარისია ერთ-ერთი მშობლის წერილობითი თანხმობა.

საკონსულოში ვიზიტის დასანიშნად ან დასაბრუნებელი მოწმობის ფოსტით მისაღებად გთხოვთ მოახდინოთ ელექტრონული განაცხადის რეგისტრაცია.

თუ გსურთ დასაბრუნებელი მოწმობის ფოსტით მიღება მომსახურების მიღების ფორმად მიუთითეთ "საფოსტო გზავნილი".

 

გთხოვთ წარმოადგინოთ შემდეგი დოკუმენტები:

1. 1) პასპორტის ასლი (ასეთის არსებობის შემთხვევაში);
2. 2) მანი ორდერი (Money Order) - 35 აშშ დოლარის ოდენობით;
3. 3) იმ შემთხვევაში, თუ ელ. განაცხადის შევსებისას არ იქნა ატვირთული ელექტრონული ფოტოსურათი (ზომა: 35 x 45 mm), იგი წარმოდგენილ უნდა იქნეს საკონსულოში ვიზიტისას ფლეშ მატარებელზე (Flash drive)
4. 4) იმ შემთხვევაში თუ განაცხადი იგზავნება საფოსტო გზავნილით, წარსადგენ დოკუმენტებზე დამატებით, აუცილებელია:
   1. ელ. განაცხადის შევსებისას აიტვირთოს ელექტრონული ფოტოსურათი (ზომა: 35 x 45 mm)
   2. მომსახურების მიღების ფორმად განისაზღვროს "საფოსტო გზავნილი". 
   3. ამოიბეჭდოს და შეივსოს განცხადება-ანკეტა 
   4. წარმოდგენილ იქნას 1 ცალი დაბეჭდილი სურათი (ზომა 35 x 45 mm.)
   5. საფოსტო გზავნილით მომსახურების მიღების წესები აღწერილია ქვემოთ.